Lirik Syair Cinta Teu Di Restuan

Lirik Syair Santri Salafi "Cinta Teu Di Restuan"

Wa’ulqotun hasilatun bil kitabah
ka ‘ulqotin hasilah bil mushofahah

Ngahubungkeun cinta hasil ku tulisan
kaya hasilna cinta ku sasalaman
ya’ni ieu syair anggap perwakilan
diri abdi kaanjeun teh deudeuh pisan

Jauh kisah cinta nu tos karandapan
merjuangkeun cinta entos bebeakan
barang anjeun dongkap bade ngakhitbahan
hanjakal cinta urang teu direstuan

Memangna ge salah urang ngambil langkah
enggal enggal teuing hoyong geura nikah

bakat kasieunan anjeun kapayunan
tika gancang dina ngambil keputusan

Tiap wengi cai soca ieu ragrag
kadang mah asa ditindihan ku jagad

ngajeurit ka dzat anu masihan cinta
abdi hoyong sepuh hatena kabuka

Tiap hujan ngaririncik abdi ceurik
rasa hate kian hari kian sakit
embunglah embung kuring asa dicekik
ngan batin ngajeurit maratan langit

Kunaon atuh tiap aya kasenang
jeung nalika abdi keur aya kahayang
sepuh pasti siap untuk menantang
dengan seribu alasanna dihadang

Ayeuna mah urang we saling nguatkeun
abdi mah moal dugika ngajalirkeun
kana janji-janji abdi nu ka anjeun
kitu oge anjeun ulah mopohokeun

Wahai dzat nu maha ngabalikeun rasa
mugi numibakeun ka sepuh kaula
kana restu cinta hatena kabuka
alim kanu lain hoyong ka si aa

Abdi alim pisan lamun dijodohkeun
sabab hate moal bisa narimakeun
teu bisa yeu cinta nu utuh dibikeun
ka lalaki lian nu teu dihayangkeun

Aa kedah sobar nampi qodo qodar
da jodohmah moal aya nu tertukar
urang kedah kuat barina ikhtiar
dugi lafad qobiltu engke terdengar

Sakieu syairan tamatna wassalam
ieu kisah cinta nu teu direstuan
bakat pengalaman nu nyanyi syairan
mugia katampi ku ikhwan-ikhwan

Halaman Berikutnya

Syair Santri Salafi